Arrimaha hoos imaanaya guddigan waxaa ka mid ah:
- Guddigan waa In ay ku jiraan ugu yaraan labo (2) qareen
- Lixdan (60) cisho gudahood xilliga la dhiso guddigaan ka dib ee lagu jiro kalfadhiga kowaad, waqti waa in loo qoondeeyo tixgalinta xeer hoosaadka sida uu guddigan soo jeediyo.
- Sodon (30) cisho gudahood ee bilawga kal-fadhi kasta ee golaha Sharci dejinta, guddigan wuxuu ka doodayaa hindisaha wax ka bedel ee xeerkan wuxuuna u gudbinayaa talo soo jeedintiisa Golaha Sharci dejinta si loo ansaxiyo; 49
- Guddigan wuxuu tixgalinayaa arrimaha la xariira xasaanadda xubnaha wixii talo soo jeedin ahna u gudbiyaa Golaha
- Guddigan wuxuu talo bixin ka jeediyaa arrimaha la xariira luminta xubinnimada ee Golaha Sharci dejinta.
- Guddigan wuxuu talo bixin ka jeediyaa arrimaha la xariira tallabooyinka anshax marin ee laga qaadayo xubin ka tirsan Golaha Sharci-dejinta sababo ay kamid yihiin anshax xumo ama ku xadgudubka Xeer Hoosaadka Golaha.
- Guddigan wuxuu soo jeediyaa tallaabooyinka maamul ee lagu xoojinayo habdhaqanka iyo anshaxa xubnaha
